 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
На нашым полі
Растуць бадылі, –
Ніхто іх ня поле,
Ня вырве зь зямлі.
Над нашай нівай
Крумцяць груганы, –
Ніхто ў іх шчасьлівай
Ня пусьціць стралы.
На нашым лузе
Гадзюкі шыпяць, –
Ніхто іх ня хлудзіць
Ня гоніць у гаць.
У пушчы ў нашай
Заводзяць зьвяры, –
Ніхто іх ня страша,
Ня гоне ў нары.
На нашым шляху
Калдобінаў цьма, –
Зь нягоды ці страху –
Раўняць сіл няма.
У нашай хаце
Тчэ кросны павук,
А вонкі пагнаці
Ня знойдзецца рук.
У нашым краі
Пануе чужак,
Ніхто не парае,
Пазбыціся як.
1919
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
